خرافات وقصص سحر بهلاء

قصة 1:
يحكي ان ساحر بالرستاق سمع الكثير عن سحر بهلاء وقوتهفقرر الذهاب للتحديفشد رحاله باليوم التالي وكان معه ديك..والديك حامل فوق ظهره مجموعه من جواني السح ( التمر)وعند وصوله لـــ بهلاء..اندهش الناس لفعلتهاخذ يسأل عن امهر وأقوى ساحر بينهم..فدله الناس ببيتهطرق البابفخرجت طفلة صغيرة..فسألها عن ابيها ..فأخبرته انه مسافر هذه الايامعندما رأت الطفلة الديك وفوق ظهره مجموعه من الجواني فهمت الموضوعفقالت له انتظر قليلافأذا بالطفلة بالسطح ومعها بقرة وقد أمرت البقرة ان تمشي على حبل رفيع يستخدم لتجفيف الملابساندهش الساحر لذلكفقال في نفسه..اذا كانت هذه أفعال طفلته كيف هو؟؟!!!!!!!!!!!!فرجع منهزما



قصة2:
هذه قصة أو موقف حدث لي بالأمس مع زملائي وساكتبها لكم وارجوا منكم انكم تكتبوا رأيكم وتفسيركم لها لأني احاول اقنع نفسي بالموقف بس ما قادر وما عارف ايش تفسير ها الموقف .وتأكدوا إني صادق معاكم والله .أنا ادرس بجامعة السلطان قابوس ولما طلعت من البلد " بهلاء "ووصلت السكن حصلت زملائي واصلين قبلي وأنا وصلت الساعة 11 وعاد مني سالفة ومن زملائي سالفة وإحنا نحل واجباتنا ولحد الساعة 2 بالليل وبعدها أحد رباعتي فتح البلوتوث يريد ينقل حاجة من تلفوني ولما عمل البحث عن أجهزة ظهر له اسم بلوتوثي وبلوتوث آخر واسمه ( وداد 9525623) واستغرب من ما نايم لحد الحين وإحنا نسكن في عمارة بالطابق الثالث والطابقين اللي تحتنا يسكنها أيضا طلاب بالجامعة وما نعرف أي واحد منهم ولا هم يعرفوا أي منا ومعظمهم من الباطنة وزميلي قال برسله بالبلوتوث وطبعا هذا بيكون ولد مو بنت في عمارة لطلاب الجامعة ولما جرب يرسله استقبل وبعدين شغلنا احنا كلنا البلوتوث وقلنا بنتسلى نرسله ونضحك معاه لأنه هو في الطابق اللي تحتنا وكنا ثلاثة اشخاص في الغرفة رامسين وبعد ما رسلناله أكثر من 30 رسالة بالبلوتوث بعدها ما رضا يستقبل بس جلس يرسل لأحد زملائي بالملاحظات وأول شي كتبلنا ليش أنتم ما نايمين وردله زميلي ما يلك خص فينا على كيفنا نرمس أنت ايش تريد وردلنا أنا بعذبكم لو رديت مثل هذا الرد وبعدها يمكن بدقائق رسل مرة ثانية واستقبل زميلي الرسالة وكان كاتبلنا اسمائنا كلنا اللي في الغرفة وأول ما قرئنا الرسالة ضحكنا وقلنا أكيد واحد من الشباب يعرفنا ورامس مع أهل الباطنة في الشقة اللي تحتنا وبعدها انقطع عن يرسل لمدة قصيرة وإحنا كنا جيعانيين وقالوا الشباب بنطبخ عيش أبيض وجلسنا نطبخ تراه تعرفوا عزابية وخاصة إنا سنة أولى بالجامعة ( صعايدة ) وبعد ما خلصنا ماكلين جلسنا ننتظر ونتسائل من هذا اللي يعرفنا من شباب الباطنة وكان أحد زملائي جالس يسمع أغاني من تلفونه بس بالسماعات وفجأة وجت رسالة بالبلوتوث من نفس الشخص ومكتوب خبر زميلك "فلان" ما يسنع أغاني واحسله ينام وبع ما قرئنا الرسالة استغربنا واندهشنا كيف عرف إن زميلنا يسمع أغاني وبعده بثواني جت رسالة من نفس الشخص " وداد " ومكتوب قول لزميلك فلان " أنا مقصود هذه المرة " لا يزعج غيره بالليل ومن قريت الرسالة ضحكت بقوة من هذا الموقف وقلت أكيد أحد من ربعنا مسوي فينا مقلب ومركبات كيمرات أو سماعات بالغرفة وجلست اتمسخر وثواني فقط وجت رسالة ومكتوب فيها ( هذا آخر انذار لفلان ومقصود أنا بسبب ضحكي ) وبعدين بدينا نخاف من السالفة وأنا قلت بروح الغرفة الثانية اللي نايمين فيها زملائنا الثانيين لأن الشقة فيها غرفتين ورحت وشفت الشباب نايمين وتلفوناتهم مغلقة وبصراحة خفت وانتفضت من الفزعة وقلت لزملائي بنخرج من الشقة وبنبعد شوي علشان البلوتوث ما يوصل وكانت الساعة 3:30 بالليل وخرجنا وبعدنا مسافة عن الشقة بما يقارب 100 متر يعني مستحيل البلوتوث يوصل ونمشي في طريق مستقيمة يعني نشوف اللي يمشي خلفنا لأكثر من مسافة 300 متر وما تصدقوا ايش حصل فجأة جت رسالة بالبلوتوث وزميلي خاف يستقبل وأنا خبرته يستقبل وفتحنا الرسالة ومكتوب فيها ( وين ما تروحوا أنا اتبعكم ) وتجينا نفضة قلنا مستحيل بلوتوث يوصل لأكثر من 100 متر واحنا ما بالغرفة علشان يكون أحد يسمعنا بسماعات أو يصورنا بكيمرات وأنا وزميلي قافلين هواتفنا بس تاركين تلفون زميلنا الثالث مفتوح علشان نستقبل البلوتوث وقنا بنتكلم عن موضوع علشان نتأكد إنه ما يسمعنا أحد وتكلمنا وإحنا نمشي إلى السوق عن الواجبات وجت رسالة بالبلوتوث ومكتوب فيها رجعوا حلوا الواجبات احسلكم وبعدها خفنا وهربنا إلى سوق الخوض علشان نشوف أحد أو حركة ويروح عنا الخوف ووصلنا السوق وكنا نبعد أكثر من 300 متر عن شقتنا وكنا نشوف خلفنا ومتاكدين إن ما أحد يتبعنا ووصلت رسالة مرة ثانية بالبلوتوث ومكتوب فيها ( جني ) وإحنا خايفين وزادتنا هذه الرسلة خوف وقلنا ما بنرجع الشقة لحد الفجر ومن وصلت الساعة 4 فجر رجعنا الشقة " العزبة " وزملائنا الثلاثة اللي نايمين على حالهم نايمين وما عندهم خبر . وبصراحة لحد اليوم ما عارف تفسير للي يحصل في شقتنا وهذه ما آخر مرة ، قبل شهر ونصف تقريباً جلست وحدي بالشقة لأني انتظر أحد ابوي يجي من البلاد عنده شغل في مسقط وبرجع معاه بالخميس وبالاربعاء بالليل جلست ارتب الغرفتين الموجودات في شقتنا الصغيرة وتركت كتبي بالطاولة ومن خلصت مرتب العزبة تقريبا كانت الساعة 11 بالليل وكل زملائي واصلين بهلا من المغرب ومفاتيح الشقة ما عطيناهن أحد خرجت اتعشا من المطعم وبعدها دخلت مقهى انترنت بسوق الخوض وجلست لحد الساعة 1 بالليل ورجعت الشقة ويوم دخلت اتفاجأ واشوف الشقة مقلوبة فوق تحت وكل اغراضي منشوحات في الأرضية لا وازيدكم من الشعر بيت الوعيان الموجودات بالمطبخ مخرجات من الكبتات ومتروكات بالأرض وانا أول شي فزعت وقلت يمكن أحد من زملائي سوالي مقلب وقلت اتصلبه واتصلتبه وحلف إنه ما يعرف عن شي واتصلت بزملائي الثانيين هل معطيين أحد مفاتيح الشقة وقالوا لا وفزعت وقفلت باب الشقة ونمن والصباح دريت ولقيت نفسي جنب باب الحمام وأنا طبعي لما أنام ما تحرك حتى ولكن بعدني قلت يمكن كنت أحلم ودخلت الحمام اريد اصلي واتفاجأ تكرمو ( بول وقذارة بأرضية الحمام والحمام وسخ لآخر درجة وكان آخر واحد أنا داخلنه قبل لا اطلع للعشا ونضفت الحمام وبعدها صليت الفجر والصباح جاني ابوي وطلعت البلاد وبالجمعة لما جينا مسقط سألت زملائي بالشقة وكانوا موجودين كلهم عن موضوع الحمام وقالوا كلهم حصل عندهم ها الموقف .هذه المواقف والله العظيم أكيدة وأنا شاهدتها وما اكذب أو اخرف وأنا وحدي ما أصدق مثل هذه السوالف بس والله إني ما عارف ايش بالضبط اللي يحصل واريد تفسير منطقي . وعلى فكرة شي مواقف غيرها حصلت لنا في هذه الشقة وعاد نعتبرها عادية من كثر ما تحصل معنا .

قصة3:
السلام عليكم ورحمة الله وبركاتهاليوم راح نقول بعض القصص التي حدثة في الواقع في ولاية السحرولاية بهلاء . . .في ساعة متاخر من الليل وفي ايام حج بيت اللهسمعنا التلفون يرن قام احد اخواني واذا بحد يقول ان خالكم ع توفى في مكه رحمة الله عليهطبعا الرجل كان رايح يحج وهو رجل مسن بعض الشيءقمنا وروحنا بيت المتوفي والجميع كان حزيناوخاصتا امرأته واولادهقام الشيخ وقراء على زوجته ما يسمى بالحدار لموت زوجها (تريكيه )وفي هدوء الجواء في سبلة العزاء في منصف الليل اتى رجلا وقال : يا جماعه الرجال الي معزين عليه حيا يرزق الجميع انصعق وانذهل لما سمع ويشششششششششششش الجميع بدا يسال ويكثر من السؤال وكيف وليش وماذا ....الخرد عليهم انه الرجال اتصل قبل شوي ويقول لا تركو زوجتهفهووو حي نروح الى الاجواء المشحونه ها هناك في السعوديه وفي الاراضي المباركهالقصه بدات عندما قامت حريق في مخيمات الحجاج وكل بدا يفر ويجر نفسه من تلك النار الحارقه التي لا ترحمالشايب ع كان يتكي بعصاه ولا يستطيع الحركه والتنقل بسهولهكان معه شاب من اقربائه وقت الحريققال: يالله يا خالي قوم النار ترا وصلت للمخيمرد عليه الشايب ع وصوته مبحوح من الدخان:يا ولدي توكل في الواحد ولا بالثنينالشاب حاول بكل ما استطاع على الشايب ع بس ما رضاعلى العموم رغما منه الشاب تركه : (: (: (: (بعد مرور الساعات في اخماد الحريق بدا البحث عن الجثثوجدت جثة الشايب ع وطلبت الشرطه من اقربائه المتواجدين بالمخيم ان يلقو نظره عليه ليتاكدو انه هووبالفعل بلسان الاخوان الي كانو هناكقالو الجثه طبق الاصل من الشايب ع وكان يوجد وسم برجله وكان نفس الشيءعلى العموميقال انه الشرطي مسح بيده على عين الجثه ليزيل اثار الرماد على عينه( هالحادثه راح تعرفو بعدين شو دخلها بالقصه)وعلى حزن الجميع لفراق الشايب ع سواء فيء بيته المتواضعاو في الاراضي المقدسه والمخيمات المحترقهفجاءه الجميع صعق من ما راىءالشايب ع يتمشى ويتكي على عصاه مقبلا على الجميعتصورو معي الموقف يا حماعهشخص تركته زوجتهوجثته كانت امام مرئ الجميعوفالاخير الشايب يجي ولا فيه شيءالااااااااااانه عينه لا يستطيع ان يرا بها جيدا عرفتو ليش عينه ما قدر يشوفوه بها الحين على العموم بعد ما سالوه قال لهم انه في احد شله معاه للفندق وانه احتمى هناكوالله اعلم ما حصلعلى العموم وصل الحد بسالفه الشرطه السعوديه ما سمحت له ان يطلع من السعوديه قبل التاكد من شخصيته ولكن بتدخل السفارهرجع الشايب ع الى بيته والى زوجته لا يشكو من شيء غير عينه التى تاثرت بمسحت الشرطي للجثه والشايب ع لحد اليوم حيا يرزق الله يطول بعمره